Fich grond success!!
Surpassà nossas aspettativas per bain quant.
Infra quatter ons vaina chattà
raduond 200 usöls
Nos proget da la secziun Tasna es dvantà ün proget chantunal dal 2019
mincha stà raduond 500 usöls salvats in Grischun
L'agüd our
dal'ajer ...
Bainvgnü sün nossa pagina. Minch'on darcheu riva fin üna vainchina d'usöls da chavriöl pro nus in las maschinas da sgiar.
Sgüra cha n'ingün nu fa quai aposta. Pero vegna fat avuonda per evitar quai?
Nus as spordschain ün agüd. Nos team as sta a disposiziun da la mittà da gün fin la fin da lügl.
Quai sun passa 20 chatschaders cun üna drona cun camera da chalur.
Andamaint"salvamaint our da l'ajer"
Ün salvamaint düra ca. 30 miunts per parcella e douvra 3 fin 4 persunas.
Il sistem as basa sün üna drona cun camera da chalur. Cunquai ch'ün usöl nu mütscha ils prüms dis e nu lasch'oura ingünas odurs esa bod impussibel da tils chattar in l'erba spessa sainza mezs tecnics. Dafatta chans nu tils rivan da savurar. Ils usöls laschan pero oura ün pa chalur, voul dir üna temperatura da raduond 24 grads. Cun la camera da chalur s'haja la pussibiltà da tils chattar. Quai funcziuna pero be scha'ls cuntuorns da l'usöl sun plü fraids co el. Perquai faina las retscherchas avant l'alvar dal sulai.
Il Prà controllà dess gnir sgià subit davo la controlla per evitar ch'usöls müdan i'l fratemp prà e mouran suot ils curtels da la maschina da sgiar.
La controlla cun la drona nu cuosta nöglia al paur. Ils chatschaders fan quai in fuorma da lavur cumüna.
Nus pigliain pero gugent incunter donaziun per pudair finanziar la tecnica eir in avegnir.
Descripziun da la prestaziun:
* Il paur sto annunzchar a temp seis prà, almain la saira avant fin las 19:00
* In cas chi sun annunzchats massa blers pras decida la centrala che prada chi ha priorità
* Il paur o ün confamigliar dess esser preschiant pro la retschercha
* La retschercha vain fatta tanter las 4:30 fin ca. las 7:30
* Il prà sto gnir sgià güsta davo la retschercha
*La retschercha es gratuita
Scha vais interess
da'ns sustgnair!
Conto da banca:
Banca Chantunala Grischuna
IBAN CH37 0077 4000 2946 66 10 0
SWIFT-Code/BIC GRKBCH2270A, Clearing Nr. 774
Società da chatschaders Tasna, 7545 Guarda